“ვგმობთ რუსეთის მიერ უკრაინის დონეცკისა და ლუგანსკის რეგიონების „აღიარებას“ – სალომე ზურაბიშვილი

საქართველოს პრეზიდენტმა სალომე ზურაბიშვილმა მკაცრად დაგმო რუსეთის მიერ უკრაინის რეგიონების დამოუკიდებლობის აღიარება. ამის შესახებ სალომე ზურაბიშვილმა “ტვიტერზე” დაწერა. 

„მკაცრად ვგმობთ რუსეთის მიერ უკრაინის დონეცკისა და ლუგანსკის რეგიონების „აღიარებას“, რაც არის იმ სცენარის გამეორება, რომელმაც ჩვენი ტერიტორიის 20%-ის ოკუპაცია გამოიწვია. საქართველო უკრაინისა და პრეზიდენტ ზელენსკის გვერდით დგას, უკრაინის ტერიტორიული მთლიანობისა და მშვიდობის მხარდაჭერის ნიშნად“, – წერს საქართველოს პრეზიდენტი.

შეგახსენებთ, რუსეთის პრეზიდენტმა ვლადიმირ პუტინმა ლუგანსკისა და დონეცკის ე.წ. სახალხო რესპუბლიკები დამოუკიდებელ სახელმწიფოებად აღიარა და ვიდეომიმართვის დროს რამდენიმე პოლიტიკური გზავნილიც გააჟღერა. 

“რეჟიმი, რომელმაც კიევში ხელისუფლება მიიტაცა” – როგორ მოიხსენიებს ვლ. პუტინი ოფიციალურ კიევს