რუსული საფონდო ბირჟის რყევები გრძელდება: ჩამოშლა ჯერ კიდევ გუშინ, მას შემდეგ დაიწყო, რაც ვლადიმირ პუტინმა უკრაინის სეპარატისტული რეგიონები დამოუკიდებელ სახელმწიფოებად აღიარა. 

დღეს, ვაჭრობის დაწყებისთანავე, მოსკოვის ბირჟის ინდექსმა ორშაბათს დაწყებული ვარდნა გააგრძელა და 8,2%-დე დაეცა, РТС (რუსეთის საფონდო ბირჟა)-ის ინდექსი კი 9,4%-ით, 1100-ზე დაბალია, პირველად 2020 წლის ნოემბრის შემდეგ. 

“ობლიგაციების ფასი მკვეთრად შემცირდა. ინვესტორები საფონდო ბაზრისა და მომავლის იმედს კარგავენ. ყველა ელოდება სანქციებს, რუბლი კი მსოფლიოში ყველაზე არასტაბილური ვალუტა გახდა”, – ამბობენ ეკონომიკის ექსპერტები ტელეგრამ არხ “ბანქსტზე”.

წყარო: ტელეარხი “დოჟდი”.