ორბელიანების სასახლის შესასვლელში საქართველოსა და უკრაინის დროშებია გამოფენილი – საქართველოს პრეზიდენტი ამ გზით გამოხატავს უკრაინისადმი მხარდაჭერას მას შემდეგ, რაც რუსეთის პრეზიდენტმა ვლ. პუტინმა უკრაინის სეპარატისტული რეგიონები დამოუკიდებელ სახელმწიფოებად აღიარა.
შეგახსენებთ, საქართველოს პრეზიდენტი ერთერთი იყო იმ ევროპელ ლიდერებს შორის, რომლებმაც “ტვიტერზე” განცხადებები გამოაქვეყნეს და უკრაინის ტერიტორიულ მთლიანობას მხარი დაუჭირეს.