შუადღიდან გაჩენილი ხანძარი ერედვის შემოგარენში, რომელმაც, დღის განმავლობაში, 15-20 ჰექტარი მოიცვა, ამ დროისთვის ლივიდირებულია, – ამის შესახებ “ოდიშინიუსს” ადგილობრივმა მცხოვრებლებმა უთხრეს, რომლებიც ქართული მხარის მიერ კონტროლირებად ტერიტორიაზე, ერედვთან ახლოს ცხოვრობენ.
ადგილობრივთა თქმით, ხანძარი თავდაპირველად ველის მცირე ნაწილზე იყო გავრცელებული, შემდეგ კი კერა გაფართოვდა, რადგან ცხინვალის მხრიდან ადგილზე მისული სახანძრო ბრიგადა ცეცხლის კერებთან გამკლავებას ვერ ახერხებდა მანამ, სანამ მეორე ეკიპაჟი არ მივიდა.
მათივე თქმით, ქართული მხარის მიერ კონტროლირებადი ტერიტორიიდან სალიკვიდაციო სამუშაოებში ჩასართავად მზად იყო ორი ეკიპაჟი, თუმცა, ამის აუცილებლობა არ დამდგარა.