ეკონომიკის მინისტრმა არ იცის, გაიზრდება თუ არა ქვეყანაში საწვავის ფასი. ლევან დავითაშვილის მტკიცებით, ფასების მატება გარე ფაქტორებზეა დამოკიდებულია.
,,საწვავის ფასი გარე ფაქტორებზეა დამოკიდებული. დამოკიდებულია მათ შორის პოლიტიკურ, გეოპოლიტიკურ ფაქტორებზეც. დავაკვირდეთ მოვლენებს. იმ შემთხვევაში თუ დავინახეთ მნიშვნელოვანი ცვლილებები, გვექნება კომუნიკაცია და ადეკვატური რეაგირება. ჩვენ გვესმის, რომ საწვავის ფასი ძალიან მგრძნობიარე საკითხია ამ ეტაპზე მეტ ინფორმაციას ვერ მოგაწვდით”, – თქვა ლევან დავითაშვილმა.
იგეგმება თუ არა საწვავის იმპორტიორებთან კომუნიკაცია და მათთვის შეღავათების დაწესება, დავითაშვილი ამბობს, რომ კომუნიკაციას გააგრძელებს.
გვაქვს რეგულარული კომუნიკაცია ყველა დარგთან. დარგობრივ ასოციაციასთან ვმუშაობდი წინა პოზიციაზეც და ახლაც გავაგრძელებ ინტენსიურ კომუნიკაციას”,- თქვა დავითაშვილმა.
ეკონომიკის სფეროს ექსპერტები ამბობენ, რომ აქციზის ფასის შემცირებით პრობლემა ვერ გადაიჭრება. ისინი დარწმუნებული არია, რომ ნავთობიმპორტიორები სახელმწიფოსთან შეთანხმებით მოქმედებენ და ფასებს თავად ადგენენ. ეკონომისტები არ გამორიცხავენ, რომ საწვავის ფასი უახლოეს მომავალში კიდევ უფრო გაიზარდოს.