თიანეთის ყოფილი მერი, ყოფილი პარლამენტარი, თამაზ მეჭიაური გარდაიცვალა.
67 წლის პოლიტიკოსს რამდენიმე კვირის წინ კორონავირუსი დაუდასტურდა. ის მძიმე მდგომარეობით თბილისში, პირველ საუნივერსიტეტო კლინიკაში იყო მოთავსებული.
თამაზ მეჭიაური პარლამენტში 2012 წელს “ქართული ოცნების” სიით შევიდა, თუმცა მოგვიანებით მმართველი პარტია დატოვა. 2016 წელს დააფუძნა პარტია „ერთიანი საქართველოსთვის“. 2017 წელს თიანეთის მუნიციპალიტეტის მერი გახდა.