ზუგდიდის საკრებულოს თავმჯდომარეობის კანდიდატად პარტია “საქართველოსთვის” წევრის გიგა ფარულავას კანდიდატურა წარადგინეს. საკუთარი კანდიდატურები არ წამოუყენებიათ არც “ქართულ ოცნებას” და არც ნაციონალურ მოძრაობას.
“ქართული ოცნების” ფრაქციის თავმჯდომარის ირაკლი გოგოხიას განცხადებით, ისინი სხდომაზე დარჩებიან, თუმცა კენჭისყრაში მონაწილეობას არ მიიღებენ.
სხდომაზე 10 წუთიანი შესვენება გამოცხადდა.
ზუგდიდის საკრებულოში 22 მანდატი “ერთიან ნაციონალური მოძრაობას” აქვს, 20 მმართველ პარტიას, 3 კი პარტია “საქართველოსთვის”.
ზუგდიდის საკრებულო პირველად 17 ნოემბერს შეიკრიბა, თუმცა ამ დრომდე ვერ აირჩიეს საკრებულოს თავმჯდომარე და თანამდებობის სხვა პირები.