საქართველოს ყოფილ პირველ ლედის, სანდრა რულოვსს დედა გარდაეცვალა. ამის შესახებ ის სოციალურ ქსელში წერს:
„დედიკო გუშინ საღამოს მშვიდად და წყნარად, ქმარ-შვილის დასწრებით წავიდა ამქვეყნიდან. ჩემი მზის სხივი გაქრა, ჩემი საუკეთესო მაგალითი. არც ვიცი, როგორ ვიყო, მე ხომ არც ერთი დღე არ მიცხოვრია მის გარეშე ამ დედამიწაზე”.
სანდრა რულოვსის დედას ალცჰეიმერის დაავადება ჰქონდა. მათ განსაკუთრებული დედაშვილობა ჰქონდათ და დედის მიმართ დიდ მზრუნველობას იჩენდა. როცა სანდრას ჯანმრთელობის პრობლემა შეექმნა, დედა მას კლდესავით აეფარა. ამის შესახებ ის თავად ყვებოდა:
-ჩემს დიაგნოზს ერქვა ნულოვანი სტადია.დედაჩემმა თქვა, ნეტავ, მე რატომ არ დამემართაო. ეს ჩემთვის მძიმე მოსასმენი იყო. ვიფიქრე, რომ ექიმისთვის უნდა მომესმინა და ძუძუ მომეკვეთა…
ოპერაცია ამერიკაში გავიკეთე. არ მინდოდა ამის გახმაურება, ქალურ სილამაზეზეა საუბარი…ამ ამბავმა გამაძლიერა. ეს არის ბომბი შენს ცხოვრებაში. ფიქრობ, 5 წელიწადში აღარ იქნები, როგორ იქნება ედუარდი, ნიკუშა… რას იზამს ჩემი ოჯახი?!