ოპოზიცია იანვრის თვის გადასახადის კორექტირებას და მინისტრ თურნავას გადადგომას მოიხოვს

0
291

“ნაციონალური მოძრაობა” სემეკთან და იუსტიციის სახლთან, სადაც ენერგეტიკის სამინისტრო იყო განთავსებული საპროტესტო აქციას მართავს და კომუნალური გადასახადების ტარიფის დაწევასა და ეკონომიკის მინისტრის გადადგომას მოიხოვს

აქციის მონაწილეებს თან აქვთ ბანერები წარწერებით – “გადასახადებს ვიხდით ჩინოვნიკების ჯიბეში”; “ხელისუფლება აღარიბებს”; “გადამგდები მთავრობა”. მათი თქმით, ისედაც გაღარიბებული მოსახლეობისთვის გაორმაგებული ტარიფების დარიცხვაზე პასუხისმგებლობა მთლიანად ხელისუფლებას და  ეკონომიკის მინისტრი ნათია თურნავას ეკისრება.

“ჩვენი მთავარი მოთხოვნაა შემდეგი, რაც მოჰპარეს მოსახლეობას და გაორმაგებული გადასახადები დააკისრეს, დაუბრუნდეს ხალხს, და მეორე, გადადგეს ნათია თურნავა, რომელიც უშუალოდ არის ამ ყველაფერზე პასუხისმგებელი თანამდებობრივად”, – ამბობს ენმ-ს ერთ-ერთი ლიდერი, ლევან ხებეიშვილმა. – სანამ ღარიბაშვილი ახალ წელს ცოლს ტყეს უფორმებდა, სანამ ნარმანია გაორმაგებულ ტარიფებს ხელს აწერდა, მის მეუღლეს საბადურის ტყეში ათობით ჰექტარს უფორმებდა, სანამ ეს ხალხი მდიდრდებოდა, ჩვენს მოქალაქეებს გაორმაგებული კომუნალური გადასახადები მიუვიდა და სანამ არ ვიბრძოლეთ, სემეკმა ნება არ იბოძა და გამოძიება არ დაიწყო”- 

მისი თქმით, საუბარია 4-დან 6 მილიონამდე, რომელიც “მოიპარეს”. ეს გული მათი ჯიბეებიდან უნდა ამოვიდეს და დაუბრუნდეს ხალხს. ამ მცირე დროში 4-დან 6 მილიონამდე ლარია მოპარული. შესაბამისად, ჩვენი მოთხოვნაა, გაორმაგებული გადასახადების უკან დაბრუნება და ნათელა თურნავას გადადგომაა. ის არის ამ პოლიტიკის გამტარებელი და თანამდებობრივად პასუხისმგებელი, თორემ ყველამ ვიცით, ვინ დგას ამ ყველაფერის უკან, ბიძინა ივანიშვილი, უჩა მამაცაშვილი, კახა კალაძე და სხვები”- აღნიშნა ხაბეიშვილმა. 

ის მოქალაქეებს მოუწოდებს, გაასაჩივრონ გაორმაგებული გადასახადები, რაშიც საჭიროების შემთხვევაში ენმ დაეხმარებათ. ოპოზიცია ამბობს, რომ პროტესტი მანამდე გაგრძელდება, სანამ მოქალაქეების მოთხოვნები დაკმაყოფილებული არ იქნება. ორივე ადგილზე მობილიზებულია პოლიცია.

წინა სტატიასაქართველოს 7-კაცა რაგბის ეროვნული ნაკრები თებერვალში რუსეთის ნაკრებთან ერთობლივი შეკრების გამართვას გეგმავს
შემდეგი სტატია“ნაციონალური მოძრაობა – ქოლგა პარტია დანარჩენებისთვის”. გიგი უგულავა ოპოზიციის ახალი გაერთიანების შექმნას აანონსებს
ტელეკომპანია ოდიშის საინფორმაციო სამსახური