დღეს თბილისის საქალაქო სასამართლოში გიგი უგულავას მორიგი პროცესი გაიმართება. გამოძიება პოლიტიკოსს ძიუდოისტ ბადრი გავაშელიშვილის ცემას ედავება.
საქმის არსებითი განხილვის ფარგლებში დღეს მტკიცებულებების განხილვა გაგრძელდება. პროცესს თავად ბრალდებული არ დაესწრება.
“გავაშელიშვილი არის მოგზავნილი, მოგზავნილი არის ხელისუფლების მაღალჩინოსნების მიერ. არ ვგეგმავ დასწრებას, რამდენიმე მოწმე დარჩა, რომელიც მნიშვნელოვანია ჩემი აზრით, ამ მოწმეების დაკითხვაში მივიღებ მონაწილეობას, სავარაუდოდ, ალბათ ერთ თვეში, თუ რამე არ მოიგონა კიდევ მოსამართლემ, გადაწყვეტილებას გამოიტანენ ამ საარაკო საქმეზე”, – თქვა გიგი უგულავამ.
ცნობისთვის, საქმე ეხება 2019 წლის 11 დეკემბერს თბილისის საერთაშორისო აეროპორტში მომხდარ ინციდენტს, რა დროსაც უგულავასა და გოკა გაბაშვილს თავს 2 უცნობი პირი დაესხა. გოკა გაბაშვილი საქმეში დაზარალებულადაა ცნობილი.