ბრიტანეთის პრემიერმინისტრი, ბორის ჯონსონი რუსეთის პრეზიდენტ ვლადიმერ პუტინს ტელეფონით ესაუბრა. როგორც ჯონსონი Twitter-ზე წერს, საუბრისას მან პუტინი გააფრთხილა, რომ უკრაინის საზღვარზე შეჭრა “ტრაგიკული შეცდომა” იქნება.
ვესაუბრე პრეზიდეტ პუტინს, რომ გამომეხატა ღრმა შეშფოთება უკრაინის საზღვართან რუსეთის მტრული აქტივობების გამო. უკრაინის ტერიტორიაზე ნებისმიერი შემდგომი შეჭრა ტრაგიკული შეცდომა იქნება. დიალოგი და დიპლომატია ერთადერთი სწორი გზაა, – წერს ბორის ჯონსონი.
ცნობისთვის, 2 თებერვალს ბორის ჯონსონი უკრაინაში იმყოფებოდა. მან შეხვედრა ქვეყნის პრეზიდენტ ვოლოდიმირ ზელენსკისთან გამართა. შეხვედრის შემდეგ გამართულ ბრიფინგზე ჯონსონმა რუსეთს უკან დახევისკენ მოუწოდა და გააფრთხილა, რომ მოსკოვს სანქციებს დააკისრებენ “იმ მომენტში როგორც კი რუსეთი უკრაინის ტერიტორიას გადაკვეთს”.