ძლიერი ქარის გამო ნიდერლანდებში ავიარეისები შეფერხდა. შიპჰოლის აეროპორტში 260 ფრენა გაუქმდა.
გავრცელდა კადრები, სადაც ჩანს, თუ როგორ ცდილობენ თვითმფრინავები ბილიკზე დაჯდომას, მათ შორის არის “ჯორჯიან ეარვეისის” ავიალაინერიც – მფრინავმა თვითმფრინავის უსაფრთხოდ დასმა შეძლო.
ძლიერი ქარის გამო მეტეოროლოგიურმა სამსახურმა საფრთხის ნარინჯისფერი დონე გამოაცხადა. ამინდმა შეაფერხა სახმელეთო ტრანსპორტის მიმოსვლაც. მოსახლეობას მოუწოდებენ, უკიდურესი საჭიროების გარეშე არ გავიდნენ ქუჩაში.