საქართველოს მთავრობის ადმინისტრაციის ცნობით, პრემიერ-მინისტრ ირაკლი ღარიბაშვილს კორონავირუსის „ომიკრონი” შტამი დაუდასტურდა. როგორც ადმინისტრაცია აცხადებს, მთავრობის მეთაური თავს კარგად გრძნობს და მუშაობას დისტანციურ რეჟიმში განაგრძობს.
„პრემიერ-მინისტრი სრულად ვაქცინირებულია. მას კოვიდ-19 გეგმური ტესტირების ფარგლებში დაუდასტურდა”, – იუწყება პრესსამსახური.
პირველად ირაკლი ღარიბაშვილს კორონავირუსი 2021 წლის 6 აპრილს დაუდასტურდა.