ბოიკოტი წყდება და ერთიანი ნაციონალური მოძრაობა პარლამენტში ბრუნდება, ოღონდ ეს დაბრუნება იქნება “საკუთარი დღის წესრიგით” და “მწვავე საგაზაფხულო პროტესტით” ქუჩაში.
პარტიის ახალი სტრატეგია დღეს ფრაქციის თავმჯდომარემ ხატია დეკანოიძემ წარადგინა.
პარლამენტში საკუთარი დღის წესრიგით ბრუნდებიან. მისი თქმით, ყველა ფრონტზე, მათ შორის ქუჩის პროტესტით იბრძოლებენ მოსახლეობის უფლებებისთვის.
“ეს იქნება ჩვენი საკუთარი სტრატეგია იმისთვის, რომ ყველა ეტაპზე, ყველა ფრონტზე, არა მხოლოდ პარლამენტში, არა მხოლოდ საკრებულოებში, არამედ ქუჩაშიც, მათ შორის მწვავე საგაზაფხულო პროტესტით ჩვენ ვიბრძოლოთ ჩვენი მოსახლეობის უსაფრთხოების და ღირსებისთვის”, – თქვა ხატია დეკანოიძემ.