გლდანში, საცხოვრებელი კორპუსის ერთერთ ბინაში გარდაცვლილები – ერთი ოჯახის ხუთი წევრი ახლობელმა გუშინ, 29 იანვარს აღმოაჩინა. გარდაცვლილთა შორის სამი ბავშვია. ვარაუდობენ, რომ ისინი CO-თი ინტოქსიკაციით 3 დღის წინ გარდაიცვალნენ.
დღეს ბინაში ჩატარებული ექსპერტიზის პირველადი დასკვნის მიხედვით, გარდაცვალების მიზეზად ბინაში გაზის ნამწვის დაგროვება სახელდება. ცნობილია, რომ ბინაში აეროღუმელი, ე.წ. დუხოვკა ჰქონდათ ჩართული.
ოჯახი სამეგრელოში ცხოვრობდა, მისი უფროსი წევრებიდან ერთი თბილისში ხელოსნობით ირჩენდა თავს, მერე კი ოჯახიც წაიყვანა და ბინა იქირავა. დაღუპულებს სამეგრელოში დღეს გადაასვენებენ.