ქვეყანა არასწორი მიმართულებით ვითარდება – ეროვნულ დემოკრატიული ინსტიტუტი კვლევის შედეგებს აქვეყნებს. გამოკითხული მოსახლეობის უმრავლესობა – 43%, პასუხობს რომ ქვეყანა არასწორი მიმართულებით მიდის.

გამოკითხულთა 27%-ის აზრით, საქართველო სწორი მიმართულებით ვითარდება, 21%-ის აზრით, საქართველო საერთოდ არ იცვლება.

მთავარ გამოწვევად სახელდება ეკონომიკური სიდუხჭირე. მოსახლეობის უმეტესობა პრობლემად ასახელებს სიღარიბეს, ინფლაციას, ფასების ზრდასა და სამუშაო ადგილებს.

კითხვაზე რომელი ეროვნულო დონის საკითხებია თქვენთვის და თქვენი ოჯახისთვის ყველაზე მნიშვნელოვანი პასუხები შემდეგია:

სიღარიბე – 32%
ფასების ზრდა/ინფლაცია – 32%
სამუშაო ადგილები – 29%
ტერიტორიული მთლიანობა – 16%
პენსიები – 13%
განათლება – 11%
ხელფასები – 11%
ხელ. სამედიცინო მომსახურება – 9%
კორონავირუსი – 6%
ადამიანის უფლებები – 4%
კორუფცია – 3%
ნატოში გაწევრიანება – 2%
გარემოს დაცვა – 2%
ევროკავშირში გაწევრიანება – 2%
კრიმინალი – 2%
რუსეთთან ურთიერთობა – 2%
სასამართლო სისტემა – 2%
სხვადასხვა -14%
არ ვიცი – 8%
კვლევის მიხედვით ყოველი მეორე მოქალაქე მიიჩნევს რომ საქართველოში დემოკრატია არ არის.

გამოკითხულთა 51% ასევე ფიქრობს რომ მმართველი პარტია ხალხის ინტერესებიდან გამომდინარე არ მოქმედებს.

მოქალაქეების 52% უკმაყოფილოა მთავრობის საქმიანობით.

უკმაყოფილებას იწვევს ასევე ინსტიტუტების მუშაობაც, მათ შორის მოსახლეობის 35% ირაკლი ღარიბაშვილის მუშაობას უარყოფითად აფასებს, პრეზიდენტის საქმიანობით უკმაყოფილოა 46%, ანალოგიური მაჩვენებელი აქვს საქართველოს პარლამენტსაც.

კვლევა 7-13 დეკემბრის პერიოდში ჩატარდა, ყველა ინტერვიუ სატელეფონო გამოკითხვის
მეთოდით აიღეს, რესპონდენტები მარტივი შემთხვევითი შერჩევის გზით – შემთხვევით ნომერზე დარეკვის მეთოდით შეირჩნენ.

კვლევა საქართველოს მთლიანი მოსახლეობის წარმომადგენლობითია. საშუალო ცდომილების ზღვარი
+/- 1.3%-ია.