ხმაური შინაგან საქმეთა სამინისტროსთან – გომალაურის უწყებასთან მიმდინარე აქციაზე სამოქალაქო აქტივისტი ნატა ფერაძე დააკავეს.აქტივისტი მაშინ დააკავეს, როცა ის შენობის მოპირდაპირე მხარეს ხეზე სტიკერების გაკვრას ცდილობდა. სტიკერებზე დაწერილი იყო იმ ადამიანების სახელები, რომლებიც სისტემის მსხვერპლი გახდნენ: ლექსო ლაშქარავა,დემურ სტურუა, ლევან აბზიანიძე, ლუკა სირაძე.
ინცინდენტის თვითმხილველი, სამოქალაქო აქტივისტი შუშანა მაცაბერიძე აცხადებს, რომ ნატა ფერაძე პოლიციელებმა უმიზეზოდ დააკავეს. მეტიც მაცაბერიძის თქმით, მასზე პოლიციელმა იძალადა და ხელი მუცელში ჩაარტყა.
წარმოუდგენელი რაღაც ვიხილეთ, გუშინდელი ძალადობის მერე კიდევ ბედავენ და კიდევ ძალადობენ, ნატა ფერაძე დაიჭირეს არაფრის გამო, ვიღაცა პოლიციელი მირტყამდა მუცელში”- თქვა აქტივისტმა.
შეგახსენებთ, რომ სამოქალაქო აქტივისტები აქციას შსს-სთან მართავენ. ისინი გუშინ მომხდარ ფაქტს აპროტესტებენ, რა დროსაც შშმ პირი მჯეტროში პოლიციელებმა სცემეს.
“პირველების” ინფორმაციით, დამამცირებელი, ან არაადამიანური მოპყრობის ბრალდებით დაკავებულია შსს-ს საპატრულო პოლიციის მეტროპოლიტენის სამმართველოს მე-3 ოცეულის პატრულ-ინსპექტორი ნუკრი ბაქრაძე, ხოლო სამსახურეობრივი უფლებამოსილების ბოროტად გამოყენების ბრალდებით დაკავებულია ამავე სამმართველოს პატრულ-ინსპექტორი კახა ბაკაშვილი.