ავთანდილ გალდავას აჭარის პოლიციის სამმართველოს უფროსის თანამდებობა დაატოვებინეს

0
389

აჭარის პოლიციის სამმართველოს უფროსის სკამი ვაკანტურია – ავთანდილ გალდავა, რომელმაც ამ თანამდებობაზე 11 თვე იმუშავა დღეს გაათავისუფლეს და კადრების განყოფილებაში გადაიყვანეს.

 გალდავას ნაცვლად, აჭარის პოლიციის დეპარტამენტს გრიგოლ ბესელია ჩაიბარებს.

რატომ დაატოვებინეს გალდავას თანამდებობა ამ დროისთვის უცნობია. აღსანიშნავია, რომ მის აჭარაში საქმიანობას, ბევრი ხმაურიანი საქმეები უკავშირდება, როგორიცაა ხმაურიანი დაკავებები, პოლიციელების მხრიდან მოქალაქეების პოლიციის განყოფილებაში სცემა, თუმცა არცერთ საქმეზე პასუხი ამ დრომდე არავის უგია.

ავთო გალდავა გასული წლის თებერვალში, სამეგრელოდან გადმოიყვანეს. ის ფიგურირებდა ბადრო ესებუას საქმეში, რომელსაც “საქართველოს ბანკის” ფილიალზე თავდასხმა და მძევლების აყვანა ედება ბრალად. როცა გამტაცებელმა შენობა მძევლებთან ერთად დატოვა, მათ შორის ერთ-ერთი იყო ავთანდილ გალდავაც, რომელიც ესებუას სხვა მძევლების გათავისუფლების სანაცვლოდ ჩაბარდა.

წინა სტატიაშსს გმობს ნებისმიერი სახის ძალადობას – აცხადებს გომელაურის უწყება
შემდეგი სტატია42 გარდაცვლილი და 15 762 ახალი შემთხვევა – 25 იანვრის კოვიდსტატისტიკა
ტელეკომპანია ოდიშის საინფორმაციო სამსახური