აშშ აგრძელებს უკრაინის სამხედრო-პოლიტიკურ მხარდაჭერას და უკრაინაში თავდაცვითი იარაღის მეორე პარტიას აგზავნის, თუმცა, მხარდაჭერა ამით არ შემოიფარგლება.
უკრაინის თავდაცვის მინისტრი ოლექსი რეზნიკოვი ამ დახმარების შესახებ “ტვიტერზე” წერს და აღფრთოვანებას ვერ მალავს:
“მეორე ჩიტი კიევში! 80 ტონაზე მეტი იარაღი უკრაინის თავდაცვითი შესაძლებლობების გასაძლიერებლად ჩვენი მეგობრებისგან აშშ-დან. და ეს არ არის დასასრული”, – წერს ის.
შეგახსენებთ, უკრაინას, რუსეთის მხრიდან მოსალოდნელი სამხედრო აგრესიის შესახებ ინფორმაციის გავრცელებისთანავე, მთელმა ცივილიზებულმა მსოფლიომ მხარდაჭერა გამოუცხადა.