სახალხო დამცველის ინფორმაციით, ექიმთა კონსილიუმი მესამე პრეზიდენტის ჯანმრთელობის მდგომარეობასა და გაწეულ სამედიცინო დახმარებაზე დასკვნებს უახლოეს დღეებში წარმოადგენს.
როგორც ნინო ლომჯარიამ თქვა, ომბუდსმენის კონსილიუმი მიხეილ სააკაშვილთან რამდენიმე დღის წინ შევიდა:
“სახალხო დამცველის კონსილიუმს რამდენიმე დღის წინ მორიგი ვიზიტი ჰქონდა რუსთავის მე-12 პენიტენციურ დაწესებულებაში. შეამოწმეს მიხეილ სააკაშვილის ჯანმრთელობის მდგომარეობა და გაწეული სამედიცინო მომსახურება. კონსილიუმი შეფასებებს და დასკვნას უახლოეს დღეებში თვითონ წარმოადგენს, რომელიც საჯაროდ გაკეთდება”, – განაცხადა ლომჯარიამ.