ზუგდიდის საკრებულოს სხდომა მეხუთედ ჩაიშალა და ვერც დღეს მოხერხდა საკრებულოს თავმჯდომარის არჩევა. სხდომაზე ,,ერთიანი ნაციონალური მოძრაობის” არც ერთი წევრი არ იყო წარმოდგენილი. სხდომას მხოლოდ 19 დეპუტატი ესწრებოდა და ქვორუმის არ არსებობის გამო ერთსაათიანი შესვენება გამოცხადდა, თუმცა ვერც ამის შემდეგ შედგა ქვორუმი. სხდომა 1 თვით ისევ გადაიდო, პარტია ,,საქართველოსთვის” დეპუტატის გიგა ფარულავას თქმით, სხდომის გადადება არ ემსახურება კრიზისის დაძლევას და ეს მხოლოდ დროის გაყვანის მცდელობაა. პარტია ,,საქართველოსთვის” წევრმა მალხაზ თორიამ სხდომაზე რამდენიმე დღის წინ მასსა და მის არასრულწლოვან შვილზე თავდასხმა გაიხსენა და ,,ქართული ოცნება” უმოქმედობაში დაადანაშაულა, რასაც მმართველი პარტიის წევრის ჯონი ჯიქიას მხრიდან შელაპარაკება მოჰყვა.
,,ერთიანი ნაციონალური მოძრაობის” საკრებულოს წვერის ხათუნა შამუგიას თქმით, ისინი სხდომას პროტესტის ნიშნას არ ესწრებოდნენ
საკრებულოს სხდომები კიდევ რამდენიმე მუნიციპალიტეტში ვერ ტარდება. რაც შეეხება მანდატებს, ,,ერთიან ნაციონალურ მოძრაობას” ზუგდიდის საკრებულოში 22 დეპუტატი ჰყავს, ,,ქართულ ოცნებას” 20, ხოლო პარტია ,,საქართველოსთვის” 3 დეპუტატით არის წარმოდგენილი.