წალენჯიხისა და სენაკის საკრებულოების სხდომები დღეს, 11 იანვარს ჩატარდა, მაგრამ თავმჯდომარეები ვერც წალენჯიხაში და ვერც სენაკში, უკვე მეოთხედ, ვერ აირჩიეს.
წალენჯიხაში სხდომა 20 იანვრამდე გადაიდო, ასევე, გადიდო სხდომა სენაკშიც.
ამ ორ მუნიციპალიტეტში საკრებულოების თავმჯდომარეების ვერარჩევის მიზეზი ისაა, რომ მმართველ პარტიას უმრავლესობა არ აქვს, ხოლო ოპოზიციური პარტიები, პირველ რიგში კი “ნაციონალური მოძრაობა” და “გახარია საქართველოსთვის” ერთობლივ კანდიდატზე შეთანხმებას ვერ ახერხებენ.
ამავდროულად, წალენჯიხაში მცხოვრებთა ნაწილი, საკრებულოს თავმჯდომარის არჩევის მესამე უშედეგო მცდელობის შემდეგ ამბობდა, რომ საკრებულოს შენობის შესასვლელთან “სირცხვილის დერეფანს” მოუწყობდნენ საკრებულოს იმ წევრებს, რომლებიც კანდიდატზე ვერ თანხმდებიან და ამომრჩეველთა ინტერესებს უგულებელჰყოფენ, თუმცა, დღეს აქცია არ გამართულა.
რაც შეეხება სენაკს, შეგახსენებთ, რომ საკრებულოში სულ წევრია, მათ შორის “ქართული ოცნებიდან” 16 დეპუტატი, 13 ნაციონალური მოძრაობიდან, ხოლო 4-ს კი პარტია “საქართველოსთვის” მანდატი აქვს.