პენსიებისა და ხელფასების მინიმალური რაოდენობის ზრდა შესაძლებელია და გადაუდებელი – როგორია მიხეილ სააკაშვილის ხედვა ეკონომიკური განვითარების გეგმის მიხედვით, რომელზედაც იგი ციხეში მუშაობს.
სააკაშვილის გეგმის მიხედვით, უნდა მოხდეს საწვავის ფასის შემცირება მინიმუმ 80 თეთრით
პენსიების ზრდა 500-600 ლარამდე, ხელფასების მინიმალური რაოდენობის ზრდა 1500 ლარამდე
სტუდენტებისთვის სწავლის შესაძლებლობის გაჩენა.
სააკაშვილის გეგმის ეს ნაწილი დღეისათვის დასრულებული პოლიტიკური კონსულტაციების შემდეგ ლევან ხაბეიშვილმა ჟურნალისტებს გააცნო.
,,შეხვედრაზე მთავარ საკითხებად განვიხილეთ, როგორ უნდა მოხდეს საწვავის ფასის შემცირება – რის შესაძლებლობასაც შექმნის აქციზის გადასახადის გაუქმება და ლარის გაძლიერება. როგორ უნდა იყოს საქართველოში უზრუნველყოფილი, რომ მინიმალური ანაზღაურება იყოს 1500 ლარიდან. ასევე განვიხილეთ საკითხი, რომელიც ეხებოდა პენსიას, რომ შესაძლებელი გახდეს ჩვენ პენსიონერებს ჰქონდეს 500-600 ლარი პენსია მეოთხე საკითხი ეხებოდა ახალგაზრდებს, როგორ უნდა ჰქონდეთ მათ უზრუნველყოფილი სწავლის შესაძლებლობა” – თქვა ხაბეიშვილმა.
ლევან ხაბეიშვილმა სააკაშვილთან შეხვედრის შემდეგ განაცხადა, რომ აუცილებელია, გამოცხადდეს ეროვნული მობილიზება, თუმცა ამ დროისთვის კონკრეტული თარიღი უცნობია.
შეგახსენებთ, რომ მიხეილ სააკაშვილმა ციხიდან წერილი გაავრცელა, სადაც მესამე პრეზიდენტის მთავარი გზავნილია “შეკრება და არდაშლა, სანამ არ დაინიშნება რიგგარეშე არჩევნები”. არსებული ინფორმაციით, მიხეილ სააკაშვილი ციხეში ქვეყნის ეკონომიკური განვითარების გეგმაზე მუშაობს.