რუსთავის მე-12 სასჯელაღსრულების დაწესებულებაში მიხეილ სააკაშვილი ადვოკატმა, გიორგი მშვენიერაძემ მოინახულა. მშვენიერაძის თქმით, მიხეილ სააკაშვილის მიმართ არაადამიანური მოპყრობა გრძელდება და მთავარ პრობლემად რჩება, რომ მესამე პრეზიდენტი ამ დრომდე ვერ იღებს სათანადო სამედიცინო მომსახურებას. მშვენიერაძე არ გამრიცხავს, რომ შესაბამისი სამედიცინო სერვისის არარასებობის გამო, შესაძლოა, მესამე პრეზიდენტის ჯანმრთელობა გაუარესდეს.
საკვანძო საკითხი რჩება არაადამიანური მოპყრობა, რომელიც იყო მის მიმართ განხორციელებული არის განგრძობადი ხასიათის. რადგან არაადამიანური მოპყრობა ასევე გულისხმობს პატიმრისათვის რასათანადო სამედიცინო მომსახურების გაწევას. დღემდე მიხეილ სააკაშვილს, რაც ის გადმოყვანილ იქნა რუსთავის დაწესებულებაში, ყოველგვარი სამართლებრივი აქტის გარეშე კანონის მოთხოვნათა საწინააღმდეგოდ შეზღუდული აქვს საკუთარი ექიმების მომსახურების მიღების შესაძლებლობა. მათ შორის საკუთარი ექიმების ასევე, სახალხო დამცველის კონსილიუმის, ასევე სახელმწიფო კონსილიუმის”, – ამბობს მშვენიერაძე.