“თიბისი” ბანკის დამფუძნებელი მამუკა ხაზარაძე განაჩენის მოსასმენად საქალაქო სასამართლოში არ მივა. ამის შესახებ მან გადაცემა “რეაქციაში” განაცხადა.
“ლელოს” ლიდერის თქმით, თუკი ქვეყანაში იოტისოდენა სამართალი და კანონი არსებობს, ხვალ ხაზარაძე-ჯაფარიძე-წერეთლის საქმეზე გამამტყუენებლი განაჩენი არ უნდა დადგეს.
ჩვენ ხვალ სასამართლოზე არ გამოვცხადდებით,იმიტომ, რომ მე ჩემს თანაგუნდელებთან ერთად მოვისმენ ამ განაჩენს პარტიის ოფისში და დავემორჩილები. მე არ მინდა იქ, სასამართლოს წინ უამრავი ხალხის შეკრება. თუ რამ არსებობს ამ ქვეყანაში იოტისოდენა სამართალი, კანონი, ნამუსი და ა.შ., რა თქმა უნდა, მე არ ველოდები გამამტყუნებელ განაჩენს, მაგრამ გამომდინარე იქიდან, რომ ჩვენ არ ვცხოვრობთ სამართლიან ქვეყანაში, გამომდინარე იქიდან, რომ დღეს ერთი ადამიანი მართავს ყველაფერს, მე დარწმუნებული ვარ დღეს უკვე მესიჯბოქსზე მუშაობენ, რომ ხვალ რა უნდა თქვან, არაფერს არ გამოვრიცხავ, – თქვა ხაზარაძემ.