2017 წელს ხორავას ქუჩაზე დაპირისპირებისას მოკლული დავით სარალიძის საქმეზე დაკავებულ გიორგი მენაბდეს 10 წლითა და 6 თვით პატიმრობა მიესაჯა.
მოსამართლემ ვალერიან ბუგინაშვილმა დავით სარალიძის განზრახ ჯგუფურ მკვლელობაში ბრალდებული გიორგი მენაბდე დამნაშაცედ სცნო და 14 წლით თავისუფლების აღკვეთა განუსაზღვრა. არასრულწლოვანთა მართლმსაჯულების კოდექსით, სასჯელი ერთიმეოთხედით შემცირდა და საბოლოო სასჯელად 10 წელი და 6 თვე შეეფარდა.
2001 წელს დაბადებული გიორგი მენაბდე 2021 წლის 15 აპრილს დააკავეს დამამძიმებელ გარემოებაში ჩადენილი ჯგუფური განზრახ მკვლელობის ბრალდებით. ბრალდებული, რომელიც დეკანოზ შიო მენაბდის შვილია, ხორავას ქუჩის საქმის ერთ-ერთი მოწმე იყო.
ადვოკატი, დავით დადიანი ამბობს, რომ გადაწყვეტილებას გაასაჩივრებენ.