“ომიკრონის” შემთხვევები, რომლებიც სამეგრელო-ზემო-სვანეთის რეგიონშია გამოვლენილი, ზუგდიდს უკავშირდება, კერძოდ, გამოვლენილია ერთი შემთხვევა, ხოლო 7 კონტაქტი გამოკვლეულია და თვითიზოლაციაში იმყოფება –
ამის შესახებ მას შემდეგ გახდა ცნობილი, რაც საეჭვო შემთხვევების შესახებ ლუგარის ლაბორატორიაში გაგზავნილი ტესტების პასუხები მოვიდა და გაირკვა, რომ “ომიკრონის” პირველი შემთხვევა სწორედ ზუგდიდშია დაფისქსირებული.
დაავადებათა კონტროლის ეროვნული ცენტრის სამეგრელო-ზემო სვანეთის განყოფილების ინფორმაციით, ამ დროისთვის რეგიონში დადასტურებულია 8 შემთხვევა, ყველა მათგანი ზუგდიდს უკავშირდება.
“მოძიებულია მათი კონტაქტები, როგორც ირკვევა არ ჰქონდათ ბევრ პირთან შეხება, სულ 8 პირი გამოვლინდა და ისინი უკვე იმყოფებიან თვითიზოლაციაში”, – ამბობენ დაავადებათა კონტროლის ეროვნული ცენტრის სამეგრელო-ზემო სვანეთის განყოფილებაში.
ამავე სტრუქტურის ცნობით, იკვლევენ კიდევ რამდენიმე საეჭვო შემთხვევას, რომელთა შესახებაც პასუხები ჯერ არის მიღებული.