“ყაზახეთი ღირებული პარტნიორია” – აშშ-ის სახელმწიფო დეპარტამენტი

0
229

ამერიკის სახელმწიფო დეპარტამენტის სპიკერი ნედ პრაისი ყაზახეთში განვითარებულ მოვლენებთან დაკავშირებით განცხადებას ავრცელებს. მისი თქმით, ყაზახეთი ღირსეული პარტნიორია და ქვეყანაში ძალადობის ფაქტებს გმობენ.

“შეერთებული შტატები ყურადღებით აკვირდება სიტუაციას ყაზახეთში, რომელიც ჩვენი ღირებული პარტნიორია. ჩვენ ვგმობთ ძალადობის აქტებს და საკუთრების განადგურებას და მოვუწოდებთ თავშეკავებისკენ როგორც ხელისუფლებას, ასევე მომიტინგეებს.

ჩვენ ვთხოვთ ყველა ყაზახეთს პატივი სცეს და დაიცვას კონსტიტუციური ინსტიტუტები, ადამიანის უფლებები და მედიის თავისუფლება, მათ შორის ინტერნეტ სერვისის აღდგენა. მოვუწოდებთ ყველა მხარეს იპოვონ საგანგებო მდგომარეობის მშვიდობიანი გადაწყვეტის გზა”, – თქვა ნედ პრაისმა.

ცნობისთვის, ყაზახეთში საპროტესტო აქციები 2 იანვრიდან დაიწყო და მალევე სხვადასხვა ქალაქები მოიცვა. მოქალაქეები გაზსა და საწვავზე გაზრდილ ტარიფებს აპროტესტებდნენ. ყაზახეთში 5 იანვარს მთავრობა გადადგა, ყოფილი პრეზიდენტი ნაზარბაევი კი უშიშროების საბჭოს აღარ უხელმძღვანელებს.

ბოლო მონაცემებით ქვეყნის მასშტაბით საგანგებო მდგომარეობაა გამოცხადებული. არეულობისა და შეტაკებების დროს 8 პოლიციელი დაიღუპა, მშვიდობიან მოქალაქეებზე კი ინფორმაცია არ ვრცელდება. ქვეყანაში პროტესტი გრძელდება.

წინა სტატია41 გარდაცვლილი და 3 567 ახალი შემთხვევა – 6 იანვრის კოვიდსტატისტიკა
შემდეგი სტატიაკოლექტიური უსაფრთხოების ორგანიზაცია (ОДКБ) ყაზახეთში ჯარს გააგზავნის – ნიკოლ ფაშინიანი
ტელეკომპანია ოდიშის საინფორმაციო სამსახური