მიხეილ სააკაშვილის თხოვნით, ენმ-ის წევრები და მხარდამჭერები შიმშილობას წყვეტენ

0
223

ქსპრეზიდენტმა მიხეილ სააკაშვილმა თხოვნით მიმართა მოშიმშილეებს, რომ ის თავად დაიწყებს შიმშილობას თუ ისინი პროტესტის უკიდურეს ფორმას არ შეწყვეტენ.  – ყოფილი პრეზიდენტის თხოვნამოშიმშილეებს გააცნო მისმა ადვოკატმა გიორგი მშვენიერაძემ , რომელიც ამ დილით მივიდა  მათ მოსანახულებლად და პრეზიდენტის გზავნილის გადასაცემად.  

ერთიანი ნაციონალური მოძრაობის თავმჯდომარემ ნიკა მელიამ , რომელიც თავადაც შიმშილობს,   განუცხადა  მოშიმშილეებს, რომ არ აქვთ უფლება, დაუშვან, რომ მიხეილ სააკაშვილმა შიმშილობა განაახლოს და შესაბამისად პროტესტს სხვა ფორმით გააგრძელებენ.

“მიხეილ სააკაშვილი განიცდის თითოეული მოშიმშილის ჯანმრთელობის მდგომარეობას და თავადაც იძულებული გახდება, რომ მანაც განაახლოს შიმშილობა, რისი დაშვების უფლებაც არ გვაქვს არცერთ ჩვენგანს, ვინაიდან, მიხეილ სააკაშვილის მიერ შიმშილობის დაწყება იქნება ფატალური შედეგის მომტანი და ამიტომ, თანამებრძოლებთან  ერთად მივიღეთ გადაწყვეტილება, რომ გადავიდეთ ბრძოლის შემდეგ ეტაპზე, რომელიც იქნება მრავალფეროვანი და არაძალადობრივი, მანამ, სანამ ქვეყანაში სამართლიანობა არ გაიმარჯვებს და არ დასრულდება პოლიტიკური მართლმსაჯულება. აქედან გამომდინარე, ჩვენ გადავდივართ ბრძოლის სხვა ეტაპზე.” – თქვა ნიკა მელიამ.

“მასობრივი შიმშილობა” ენმ-ის ოფისთან პარტიის წევრებმა და მხარდამჭერებმა ექსპრეზიდენტის, მიხეილ სააკაშვილის გათავისუფლების მოთხოვნით 21 დეკემბერს დაიწყეს.

წინა სტატიატელერადიო კომპანია ,,ოდიში” გილოცავთ ახალ, 2022 წელს!
შემდეგი სტატიაისევ ცუდი ამბები კორონავირუსის ნამოქმედარზე
ტელეკომპანია ოდიშის საინფორმაციო სამსახური