ახალი წელი ჯერ არ დამდგარა, მაგრამ დამწვრობის ცენტრში უკვე დაფიქსირდა დაზიანების ათეულობით შემთხვევა – ამბობს ცენტრის ხელმძღვანელი გუგა ქაშიბაძე და მოუწოდებს მოსახლეობას, რომ უარი თქვან პიროტექნიკის გამოყენებაზე.
“საბედნიეროდ, ფოიერვერკებით და მაშხალებით დაზიანების მძიმე შემთხვევები არ გამოვლენილა, მაგრამ მათი თავიდან აცილება თავისუფლად შეიძლებოდა, მითუმეტეს, ამ შემთხვევების ნახევარი მოდის ბავშვებზე.
დაზიანებები წლიდან წლამდე მატულობს, ასეთი სტატისტიკა მხოლოდ დამწვრობის არაა, ბუნებრივია, ძალიან ხშირია ნაკვეთი ჭრილობები, თითების ამპუტაცია, თვალების დაზიანება. მე ვფიქრობ, ყოველგვარი მაშხალების და ფოიერვერკების აფეთქების გარეშეც მოვა ახალი წელი. დროა, ბოდიშით და სულელურ ტრადიციაზე უარი ვთქვათ” – თქვა გუგა ქაშიბაძემ.