ჩეხი დიპლომატი პეტრ მიკისკა აცხადებს, რომ გაურკვეველია, რატომ უქმდება სახელმწიფო ინსპექტორის სამსახური. გარდა ამისა, მისი განმარტებით, მიხეილ სააკაშვილის დაკავება და მის წინააღმდეგ წარმოებული გამოძიება არის საკმაოდ დიდი გამოწვევა საქართველოსთვის.
ვერ ვხედავ მიზეზს, რატომ გაუქმდა სახელმწიფო ინსპექტორის სამსახური წლის ბოლოს, ახალი წლების პერიოდში. ჩვენ გვსურს, რომ მსჯელობა ამ საკითხზე გადაიდოს. არ უარვყოფ, რომ ამ სამსახურის გაცალკევება საჭირო იყოს. ამ საკითხზე მსჯელობა, დრო და მიზანია საჭირო.
ამასთანავე, პრობლემატურია, რომ პრეზიდენტი ციხეშია და სამართლებრივი ძიებაა დაწყებული მის წინააღმდეგ. ჩვენ გვაქვს ჩვენი ეჭვები სასამართლო რეფორმასთან დაკავშირებით. თუ ამ სისტემას არ ვენდობით, მაშინ სახელმწიფო არ არსებობს – განაცხადა ჩეხეთის ელჩმა.
დღეს ,,დროას” ლიდერი, ელენე ხოშტარია და ,,ლელოს” გენმდივანი, ბადრი ჯაფარიძე, საქართველოში აკრედიტირებულ დიპლომატებს შეხვდნენ.
საუბარი ქვეყანაში მიმდინარე პოლიტიკურ კრიზისსა და პარლამენტში განხილულ საკანონმდებლო ცვლილებებს შეეხო.