გორის ჰოსპიტლის ადმინისტრაციამ დამატებითი სანქციები დაუწესა და მასთან მნახველების შესვლა შეზღუდა. დღეიდან მის მოსანახულებლად უფლებადამცველებს, ოჯახის წევრებს ექიმებსა და მის თანამებრძოლებს კონკრეტული დრო ექნებათ გამოყოფილი მხოლოდ 4-დან 6 საათამდე შეუშვებენ. ეს ნიშნავს, რომ საქართველოს მესამე პრეზიდენტი სრულ იზოლაციაშია -აცხადებენ უფლებადამცველები
ხელისუფლების ქმედებები უკანონოა და ამით მმართველი გუნდი ცდილობს, მიხეილ სააკაშვილი ფსიქოლოგიური წნეხის ქვეშ ამყოფოს. ვხედავთ ასევე, როგორ არაჰუმანურად ექცევა ხელისუფლება მედპერსონალს, რას აიძულებენ მათ. ამ ყაზარმულირეჟიმის შემოღებას არავითარი ს სამედიცინო და სამართლებრივი საფუძველი არ გააჩნია ამბობს ბექა ბასილაია..
” დაცვის მხარე ყველა ღონეს მიმართავს, რომ აბსურდული შეზღუდვები შეიცვალოს. არ დავუშვებთ ქართული ოცნების კაპრიზებზე განხორციელდეს დაცვის მხარის სტრატეგია. ეს არის აბსოლუტურად უკანონო ქმედება და კონსტიტუციის, ადამიანის უფლებების ფეხქვეშ გათელვა. ამისთვის ხელისუფლებაც და ქართული სახელმწიფოც საერთაშორისო დონეზე ძალიან დიდ ფასს გადაიხდის”, – ამბობს შოთა თუთბერიძე.
ადვოკატები აღნიშნავენ, რომ სანქციების პარალელურად მესამე პრეზიდენტს მკურნალი ექიმიც შეუცვალეს. ნინო გოგორიშვილს ხელისუფლებამ სკანდალური აღიარებითი ჩვენება არ აპატია და მიხეილ სააკაშვილის მკურნალობის პროცესს ჩამოაშორა. ვინ ჩაანაცვლებს გოგორიშვილს და ვის ჩააბარებენ ამჯერად მესამე პრეზიდენტის ჯანმრთელობის მონიტორინგს, ჯერჯერობით უცნობია.
ახალი შეზღუდვების დაწესების მიუხედავად, გორის სამხედრო ჰოსპიტალში დღეს ჩასვლას მიხეილ სააკაშვილის ადვოკატები, პოლიტიკოსები და “ემპათიას” ექსპერტები მაინც გეგმავენ.
ცნობისთვის, მესამე პრეზიდენტის მონახულებს დღეს შეეცდება უკრაინის კონსულიც, რომელსაც გორის სამხედრო ჰოსპიტალში დღის მეორე ნახევრისთვის ელოდებიან.