,,უნდა გამოცხადდეს მორატორიუმი პოლიტიკურ საქმეებზე. მათ შორის მიხეილ სააკაშვილის, ხაზარაძე/ჯაფარიძი, ნიკა მელიას და ნიკა გვარამიას საქმეებზე – განაცხადა საქართველოს მეოთხე პრეზიდენტმა, გიორგი მარგველაშვილმა, მიხეილ სააკაშვილის მონახულების შემდეგ
“ეს ის საქმეებია, რაც საზოგადოების დიდი რაოდენობის მიერ მიიჩნევა მოტივირებულად. ეს არ ნიშნავს, რომ ჩვენ ვამბობთ, რომ ისინი არიან დამნაშავეები, ან უდანაშაულოები, ეს ნიშნავს, რომ გადაფასების პროცესში ამ პროცესს გარკვეულად ვაჩერებთ და შესაბამისად, საუბარი როდესაც ამ მაგიდასთან, სადაც ქართულმა საზოგადოებამ და პოლიტიკურმა სპექტრმა უნდა მოიყაროს თავი, წინაპირობა არ შეიძლება იყოს მიმდინარე დევნა, ან პატიმრობა ამ საუბრის აქტორებისა.
ყოველგვარი იურიდიული შეფასების გარეშე, წინაპირობა ამ ურთიერთობის უნდა იყოს, რომ ამ მაგიდასთან, ყველა ვინც ვისაუბრებთ, საქართველოს ერთიან და მთლიან პოლიტიკაზე ისეთ საკითხებზე, როგორიცაა გეოპოლიტიკური გამოწვევები, ვერ ვიქნებით ზოგი პატიმარი და ზოგი დევნის ობიექტი. ამ პერიოდისთვის ამ საქმეებზე უნდა გაკეთდეს მორატორიუმი”,- თქვა გიორგი მარგველაშვილმა.