,,ბატონი პრეზიდენტი ძალიან დარდობს მათზე, ვინც შიმშილობს. მე ვეთანხმები, რომ ეს საზიანოა მათი ჯანმრთელობისთვის და  მოსაძებნია რაღაც გზა, რომ  შიმშილობა შეწყვიტონ”  – პრეზიდენტმა მარგველაშვილმა მცირე ინტერვიუში ორჯერ გაიმეორა,რომ პრეზიდენტი სააკაშვილი ამაზე ძალინ დარდობს.

,,პრეზიდენტი ძალიან დარდობს  და ჩვენი ორივეს განწყობა არის, რომ თუ შესაძლებელია რაღაცნაირად ვურჩიოთ ამ ადამიანებს, რომ უფრო მოუფრთხილდნენ თავიანთ თავს და გარკვეულწილად, იქნებ ამ შიმშილობის განელების თუ დამთავრების მოტივაცია შეიქმნას. ეს ჩემი განწყობაც არის და ძალიან დარდობს ბატონი პრეზიდენტი ამ საკითხებთან დაკავშირებით”, –

პარტია „ნაციონალური მოძრაობის“ ცენტრალურ ოფისთან ამ დროისთვის 12 კარავია გაშლილი და დაახლოებით 200-მდე ადამიანი შიმშილობს.

როგორც პარტიაში აცხადებენ, მოშიმშილეების ნაწილს, ჯანმრთელობის მდგომარეობის გამო, პარტიის ხელმძღვანელობამ შიმშილობის შეწყვეტა მოსთხოვა.

„თითოეული ადამიანი თავისი გულწრფელი შემართებითაა, მაგრამ   აქ საუბარია ადამიანების ჯანმრთელობაზე, შიმშილობა საფრთხეს უქმნის მათ ჯანმრთელობას,  რაც შეიძლება სხვა, ცუდი შემთხვევითაც დასრულდეს, მაგრამ შინაგანად    მზად ვართ იმისთვის, რომ პროტესტი გავაგრძელოთ მთავარი მიზნისთვის – ჩვენი ქვეყნისა და  მიხეილ სააკაშვილის თავისუფლებისთვის“

 ყველამ ერთად უნდა შევქმნათ სახელმწიფო, რომელშიც პოლიტიკური პატიმრები არ იქნებიან, სასამართლო სისტემას არ ექნება პოლიტიკური გადაწყვეტილების უფლება, როცა მიხეილ სააკაშვილი გათავისუფლდება და მიეცემა სრულფასოვანი პოლტიკური საქმიანობის საშუალება.”  – აცხადებს  გიორგი ბოტკოველი.