ნაციონალური პარტიის ოფისთან, მოშიმშილეთა ერთერთ კარავთან ცოტა ხნის წინ ისევ გამოჩნდა სასწრაფო დახმარების ბრიგადა – შეუძლოდ გახდა კიდევ ერთი მოშიმშილე. მას არტერიული წნევის ვარდნა და კუჭის ძლიერი ტკივილები აღენიშნება.
წუხელ ღამით პროტესტს კიდევ ერთი მოშიმშილე ბონდო თედორაძე გამოეთიშა. ის სასწრაფო დამხარების ბრიგადამ ერთ-ერთ კლინიკაში გადაიყვანა.
ექიმების რეკომენდაციით პროტესტის უკიდურესი ფორმა შესაძლოა დღეს კიდევ რამდენიმე მოშიმშილემ შეწყვიტოს. – მიზეზი მკვეთრად გაუარესებული ჯანმრთელობის მდგომარეობაა
უკვე შიმშილობის მე-6 დღეა, რაც მოშიმშილეთა ჯანმრ თელობის მდგომარეობაზე სულ უფრო მწვავედ აისახება, თუმცა შიმშილბა პერმანენტულია და კლინიკაში გადაყვანილებს სხვები ჩაენაცვლებიან.
ფროგორც ენმ-ს წევრი გიორგი ბოტკოველი ამბობს, პროტესტი მოთხოვნების დაკმაყოფილებამდე გრძელდება.
,,ჩვენი მთავარი მოთხოვნები – მიხეილ სააკაშვილის გათავისუფლება და ქვეყნის დახსნა იმ მარწუხებისგან, რომელშიც იგი ივანიშვილმა და მისმა რეჟიმმა მოაქციაძალაში რჩება. მოშიმშილეები მხნედ არიან” – ამბობს იგი