ექიმ ენდოკრინოლოგის ელენე გიორგაძის განცხადებით, მიხეილ სააკაშვილის ანალზის ყველა მაჩვენებელი ნორმაშია.
„ყველას უკვირს, ანალიზი საიდან არის ნორმალური. ანალიზი ნორმალური იქიდან არის, რომ ხდება იმ ცოტა პორციის ათვისება, რომელსაც იღებს, მაგრამ ეს არ ნიშნავს იმას, რომ კარგად არის.
იგი ისევ სუსტად არის, არ დგება. უკვე შეუძლია მიიღოს ყველანაირი საჭმელი, მაგრამ მისი ფსიქოემოციური მდგომარეობიდან გამომდინარე, უბრალოდ, არ იღებს იმ რაოდენობით, რაც უნდა მიიღოს”, – აცხადებს ელენე გიორგაძე. სწორედ ამიტომ არის აუცილებელი, მის მკურნალობაში ჩაერთოს ფსიქიატრების და ნევროლოგების კონსილიუმი. როგორც კი ამ დარგის ექიმები ამ პრობლემებს მოხსნიან ყველა დანარჩენი პრობლემა მოგვარდება”, – აცხადებს გიორგაძე.