„ არ ვიცი კონკრეტული მიზეზი, რის გამოც გადადგა კახა კუჭავა, მაგრამ როდესაც იცვლება ადამიანი, რომელსაც წესით მმართველი გუნდი უნდა ენდობოდეს, ფაქტია, რომ იქ რაღაც არ არის წესრიგში”- ასე ეხმაურება „ნაციონალური მოძრაობის” ერთ-ერთი ლიდერი ხატია დეკანოიძე პარლამენტის თავმჯდომარის გადადგომას.
მისი თქმით, საპარლამენტო რესპუბლიკაში პარლამენტის თავმჯდომარის ხშირი ცვლა კრიზისის ერთ-ერთი მაჩვენებელია.ეს ნიშნავს რომ, ფაქტობრივად ჩვენ არავითარი საპარლამენტო რესპუბლიკა არ ვართ. შინაარსობრივად და მმართველობის სტილით ვართ ინსტიტუციონალურად მიტაცებული სახელმწიფო – განაცხადა ხატია დეკანოიძემ.