თბილისში, ერთიანი ნაციონალური მოძროაბის სათაო ოფისთან დაწყებულ მასობრივი შიმშილობის აქციას 10 ადამიანი შეუერთდა. მათი უმრავლესობა ენმ-ის წევრია, 6 კი ზუგდიდის საკრებულოში ენმ-ს ფრაქციას წარმოადგენს.
მოშიმშილეთა შორის არიან მოქალაქეები, რომლებიც არ არიან პარტიის წევრები. ასეთი სიაში ორი ადამიანია.
მოშიმშილეთაგან ორი ქალია: საკრებულოს წევრი მირანდა ესებუა და უპარტიო მოქალაქე ვიკა ბაძაღუა.
ზუგდიდელი მოშიმშილეების სია და ფოტო მედიას ენმ-ის სამეგრელოს ორგანიზაციამ მიაწოდა:
1. საშკა ხოჭოლავა (ენმ, წევრი)
2. ირაკლი სორდია (ენმ, საკრებულოს წევრი)
3. გიორგი სორდია (ენმ, საკრებულოს წევრი)
4.კახა ჩანგელია (ენმ, საკრებულოს წევრი)
5. ლაშა ბეჭვაია (ენმ, საკრებულოს წევრი)
6. მერაბ ბოჭოია (მოქალაქე)
7. ელდარ კეზუა (ენმ წევრი)
8. მირანდა ესებუა (საკრებულოს წევრი)
9. ვიკა ბაძაღუა (მოქალაქე)
10. გია მამფორია – (საკრებულოს წევრი)
შეგახსენებთ, ენმ-ის ოფისში 21 დეკემბერს დაიწყო მასობრივი შიმშილობის აქცია, რომელშიც პირველივე დღიდან 300-ზე მეტი ადამიანი ჩაერთო. აქციის მონაწილეთა მოთხოვნაა საქართველოს მესამე პრეზიდენტის მიხეილ სააკაშვილის გათავისუფლება.