გიორგი მარგველაშვილი, მიხეილ სააკაშვილთან გორის სამხედრო ჰოსპიტალში ორშაბათს, 27 დეკემბერს, 12:00 საათზე შევა. მათ შეხვედრისთვის 3 საათი ექნებათ. 

ცნობისთვის, საქართველოს მეოთხე პრეზიდენტი სალომე ზურაბიშვილს 20 დეკემბერს შეხვდა. მოქმედ პრეზიდენტთან საუბრის შემდეგ კი პენიტენციურ სამსახურს მიმართა, რომ სააკაშვილის სანახავად შეეშვათ.

აღსანიშნავია, რომ ორშაბათს, თბილისის საქალაქო სასამართლოში, ე.წ. პიჯაკების საქმეზე მორიგი სასამართლოა ჩანიშნული. 

მარგველაშვილთან შეხვედრის გამო, დიდი ალბათობით, სასამართლო პროცესს მიხეილ სააკაშვილი არ დაესწრება.