მაღალმთიან ხარაგაულში, სოფელ ვერტყვიჭალაში დღეს დილით რკინის საამქრო ჩამოინგრა, საამქროს საყრდენი ბოძი ჩამოინგრა და მთელი გადახურვა ჩამოიშალა. რკინის ძელების ქვეშ მუშები მოყვნენ. გარდაცვილია ერთი და დაშავებულია 8 ადამიანი.
უბედური შემთხვევის შედეგად გარდაცვლილი მუშა საქართველოს მოქალაქეა. მისი ცხედარი ნანგრევებიდან უკვე ამოიყვანეს.
რაც შეეხება დაშავებულებს, ხარაგაულის მინიციპალიტეტის მერის თქმით, 8 პირიდან 5 საქართველოს, ხოლო სამი ჩინეთის მოქალაქეა. დაშავებულები გადაყვანილები არიან ზესტაფონის, ხაშურისა და თერჯოლის სამკურნალო დაწესებულებებში.
სამაშველო სამსახური რამდენიმე საათია გაწმენდის სამუშაოებს აწარმოებს.
შსს-მ გამოძიება დაიწყო.
რკინის საამქრო, სადაც ტრაგედია დატრიალდა, ეკუთვნის ჩინურ კომპანიას, რომელიც ჩქაროსნულ მაგისტრალს აშენებს.