საქართველოში ავდარს პროგნოზირებენ – უახლოეს პერიოდში მთელი საქართველოს მასშტაბით შტორმი, ქარბუქი და თოვლია მოსალოდნელი. გარემოს ეროვნული სააგენტოს ინფორმაციით, ამინდის მკვეთრი გაუარესება 21-23 დეკემბერსაა მოსალოდნელი.

ღამის საათებში მოსალოდნელია ჰაერის ტემპერატურის -4-დან -6-მდე გრადუსამდე ვარდნა.

“საავტომობილო გზების ცალკეულ მონაკვეთებზე შეიზღუდება ტრანსპორტის გადაადგილება. 23-26 დეკემბერს კოლხეთის დაბლობზე ღამის საათებში მოსალოდნელია ჰაერის ტემპერატურის -4, -6 გრადუსამდე დაწევა, რამაც შესაძლებელია ციტრუსოვანი კულტურების დაზიანება გამოიწვიოს,”- ნათქვამია გარემოს ეროვნული სააგენტოს მიერ გავრცელებულ ინფორმაციაში.