საქართველოს მესამე პრეზიდენტის სასამართლო პროცესი სახელმწიფო საზღვრის უკანაონოდ გადაკვეთის ბრალდების საქმეზე ხვალ, 22 დეკემბერს გაიმართება. სხდომა თბილისის საქალაქო სასამართლოში 12:00 საათზეა ჩანიშნული.
დაესწრება თუ არა სააკაშვილი სასამართლო პროცესს, ეს მისი ჯანმრთელობის მდგომარეობაზეა დამოკიდებული.
ხვალინდელ სასამართლო სხდომაზე საქმის პირველი არსებითი განხილვა გაიმართება. პროცედურულად, მხარეებმა შესავალი სიტყვები უნდა წარმოთქვან.
აღნიშნული საქმის ფარგლებში ბრალდება კიდევ 4 პირს – ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვს წაყენებული და ის ცალკე წარმოებად მიმდინარეობს.
აქვე: მიხეილ სააკაშვილი 1 ოქტომბერს დააკავეს. ის ჯერ რუსთავის ციხეში, შემდეგ ე.წ. ციხის საავადმყოფოში, ხოლო შემდეგ გორის სამხედრო ჰოსპიტალში გადაიყვანეს, სადაც ამ დრომდე იმყოფება.