უკრაინის საგარეო საქმეთა სამინისტროს ცნობით, გერმანიაში დაკავებული გენერლის გიორგი კალანდაძის დაცვის საქმეში უკრაინის საკონსულო ჩაერთვება. ამის შესახებ საგარეო უწყების პრესსპიკერმა ოლეგ ნიკოლენკომ, “უკრაინსკაია პრავდასთან” ინტერვიუში განაცხადა.
ნიკოლენკოს თქმით, უკრაინელი კონსულები უკვე თანამშრომლობენ გერმანელ სამართალდამცველებთან დაკავების მიზეზის დასადგენად და დახმარების აღმოსაჩენად.
კალანდაძის ინტერესების დასაცავად საქმეში უკვე ჩართულია მისი ადვოკატი. კალანდაძემ უკრაინის მოქალაქეობა 2019 წლის 20 დეკემბერს უკრაინის პრეზიდენტის ვოლოდიმირ ზელენსკის განკარგულებით მიიღო.
შეგახსენებთ, საქართველოს პროკურატურის ინფორმაციით, გერმანიის სამართალდამცავმა ორგანოებმა ბერლინის აეროპორტში საქართველოს სამართალდამცავი ორგანოების მიერ ძებნილი გიორგი კალანდაძე 2021 წლის 19 დეკემბერს დააკავეს.