“ევაკუაცია სწრაფად მოხდა, მერე ნაწილი დავბრუნდით სახლებში, ახლა უშუქოდ და უგაზოდ ვართ, ალბათ, კარგა ხანს არ გვექნება, სანამ შემოწმება არ დასრულდება”, – აცხადებს ვაზისუბანში, ერთერთი კორპუსის ბინაში აფეთქების შემდეგ ევაკუირებული და რამდენიმე საათში შინ დაბრუნებული მობინადრე.
მისი თქმით, მერიამ დიდი ყურადღება გამოიჩინა და მოსახლეობას, რომლის ევაკუაცია კორპუსიდან აფეთქების შემდეგ მოხდა, სასტუმროში გადაყვანაც შესთავაზა, მაგრამ ნაწილი ამაზე არ დათანხმდა.
შეგახსენებთ, გუშინ ღამით ვაზისუბანში, ერთერთ საცხოვრებელ კორპუსში აფეთქება მოხდა, რაც სავარაუდოდ, ბუნებრივი აირის დაგროვებამ გამოიწვია. ერთერთი მობინადრის თქმით, აფეთება იმდენად ძლიერი იყო, რომ ცეცხლმოკიდებული ბიჭი აფეთქების ტალღამ გარეთ გამოაგდო. დაშავდა ოთხი ადამიანი, მსხვერპლი არ არის.