თბილისში, ნუცუბიძის პლატოზე დაჭრილი 17 წლის მოზარდის მდგომარეობა დასტაბილირებულია. არასრულწლოვანს გადაუდებელი ოპერაცია კლინიკაში მიყვანისთანავე ჩაუტარდა.
დღეს პოლიციამ დააკავა19 წლის ნიკოლოზ თოიძე, რომელსაც ჯანმრთელობის განზრახ მძიმე დაზიანებისთვის ედება ბრალი. არსებული ინფორმაციით, ბრალდებულმა არასრულწლოვანი ცივი იარაღით დაჭრა, მოზარდს სხეულის სხვადასხვა არეში 3 ჭრილობა აქვს მიყენებული.მათ შორის ერთი – პლევრის ღრუში შემავალი.
შემთხვევა ნუცუბიძის პლატოზე გუშინ გვიან ღამით მოხდა. საქმის ე.წ. ქუჩურ გარჩევას წინ ურთიერთშელაპარაკება უძღოდა. თუმცა, ამ ეტაპზე, კონკრეტული მოტივი უცნობია. პოლიციამ დანაშაულის ადგილზე არსებული სავაჭრო ობიექტების თანამშრომლები უკვე გამოკითხა; ამოღებულია სათვალთვალო კამერების ჩანაწერებიც.
როგორც ირკვევა, 19 წლის ნიკა თოიძე, მომღერალ გია თოიძის შვილია. მამა ამბობს, რომ 2 დღეა შვილი მშობლების არცერთ სახლში გამოჩენილა.
თოიძის მეზობლები ამბობენ, რომ ახალგაზრდა მამაკაცი კონფლიქტური იყო და მისი მხრიდან დაჭრის ფაქტიც პირველი შემთხვევა არ არის.
ვრცელდება ინფორმაცია, რომ ნიკა თოიძე თავად ჩაბარდა პოლიციას . ახალგაზრდა დანაშაულს აღიარებს. დანაშაულის დამტკიცების შემთხვევაში მას მინიმუმ 8 წლიანი პატიმრობა ემუქრება.
საქმეზე გამოძიება სისხლის სამართლის კოდექსის 117 მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.