19 დეკემბრის მონაცემებით, საქართველოში კორონავირუსის 2 195 ახალი შემთხვევა დადასტურდა, გამოჯანმრთელდა 4 319, ხოლო გარდაიცვალა — 47 ადამიანი.
ბოლო 24 საათში ქვეყნის მასშტაბით ჩატარდა 33 813 კვლევა ტესტით, მათ შორის ანტიგენის სწრაფი ტესტით — 20 095, ხოლო PCR-ით — 13 718.
Stopcov.ge-ზე გამოქვეყნებული ინფორმაციის თანახმად დადებითობის დღიური მაჩვენებელი არის 6,49%, ბოლო 7 დღის — 6,48%, ხოლო 14 დღის — 6,96%.
სამეგრელო-ზემო სვანეთის სამხარეო ადმინისტრაციის ცნობით, რეგიონში ვირუსისგან 200-მდე პაციენტი გამოჯანმრთელდა, ხოლო 470-ზე მეტი პირი მკურნალობის კურსს აგრძელებს.
ბოლო დღე-ღამის განმავლობაში კორონავირუსის 160 ახალი შემთხვევა დადასტურდა 2 პაციენტი გარდაიცვალა. ისინი რუხის კლინიკაში გადიოდნენ მკურნალობის კურსს. გარდაცვლილებიდან ერთი, 80 წლის ქალი მარტვილის მკვიდრი იყო, 82 წლის ქალი კი ზუგდიდში ცხოვრობდა.