მეორე დღეა ზოგიერთ მედიასაშუალებაში ვრცელდება დაუზუსტებელი ინფორმაცია იმის შესახებ, რომ წლიური ანგარიშის წარდგენის წინ პრემიერ-მინისტრი ირაკლი ღარიბაშვილი ბიძინა ივანიშვილს ეახლა. ირაკლი ღარიბაშვილი პარტიის თავმჯდომარის პოსტიდან ირაკლი კობახიძის გადაყენებას ითხოვს. ის ამბობს, რომ კობახიძის გაუთვლელი და გაუაზრებელი მოქმედებები პარტიის რეიტინგს ანგრევს.
ეს მედიასაშუალებები ამბობენ, რომ ეყრდნობიან ინფორმაციას, რომელიც სახელისუფლო წყაროებიდან ჟონავს როგორც კონკრეტულად ამ საკითხის, ისე ზოგადად პარტიაში არსებული კონფლიქტების შესახებ .
ნიშანდობლივია, რომ ბოლო დროს პრემიერ-მინისტრი პარტიის ოფისში არ დადის.