სალომე სამადაშვილის შეფასებით, ირაკლი ღარიბაშვილის დღევანდელი განცხადებები ხელს შეუშლის ქვეყნის პროდასავლურ მისწრაფებებს. მსგავსი რიტორიკა საქართველოს დააზარალებს.
ეს ყველაფერი ნიშნავს იმას, რომ “ქართულმა ოცნებამ” ღიად გამოაცხადა, რომ ჩიხში შეყავს ჩვენი ქვეყნის დასავლური მომავალი. მიუხედავად იმისა, რომ დღეს ბევრი ტყუილი თქვა, ფაქტია, რომ ღარიბაშვილი ხელცარიელი ჩამოვიდა ბრიუსელიდან. ეს იმიტომ, რომ დღეს ხელისუფლებას შეუსრულებელი აქვს ყველა ვალდებულება, რომელიც აღებული აქვს დასავლეთის წინაშე და ამის შედეგად ფერხდება ჩვენი ევროკავშირსა და ნატოში ინტეგრაციის პროცესი”, – ამბობს სალომე სამადაშვილი.
შეგახსენებთ, დღეს პრემიერ-მინისტრმა, ირაკლი ღარიბაშვილმა მთავრობის საქმიანობის წლიური ანგარიშის წარდგენისას განაცხადა, რომ “ყველას თავისი ადგილი მიუჩინა”.