იუსტიციის სამინისტრომ გაასაჩივრა სახელმწიფო ინსპექტორის სამსახურის გადაწყვეტილება, რომლის მიხედვითაც მათ დაევალათ მიხეილ სააკაშვილის რუსთავის ციხიდან გლდანის მე-18 სამკურნალო დაწესებულებაში გადაყვანის კადრების წაშლა. მინისტრი, რატი ბრეგაძე ამტკიცებს, რომ მათ აქვთ მყარი არგუმენტები, რომლითაც სასამართლოს წინაშე წარდგებიან.
“გუშინ იუსტიციის სამინისტრომ გაასაჩივრა სახელმწიფო ინსპექტორის ადმინისტრაციული აქტი და ბუნებრივია, ეს არის უკვე სასამართლოს განსახილველი საკითხი […] ჩენ იქ გვექნება, რა თქმა უნდა, ჩვენი პოზიცია. გვაქვს ძალიან მყარი არგუმენტები იმაზე, თუ რატომ გავასაჩივრეთ”, — განაცხადა ბრეგაძემ.
სახელმწიფო ინსპექტორის სამსახურმა პენიტენციური სამსახური 7 დეკემბერს დააჯარიმა. მათი გადაწყვეტილებით, საქართველოს იუსტიციის სამინისტროსა და სპეციალურ პენიტენციურ სამსახურს ადმინისტრაციული პასუხისმგებლობა დაეკისრათ, პერსონალურ მონაცემთა დაცვის შესახებ საქართველოს კანონის 44-ე მუხლით გათვალისწინებული ადმინისტრაციული სამართალდარღვევის რამდენიმე ეპიზოდისთვის.