სოფელ წეროვანში  მომხდარი  სისხლიანი გარჩევის ახალი დეტალები ირკვევა.

ერთ-ერთი ვერსიით,   კონფლიქტი და ხელჩართული ჩხუბი მეზობლებს შორის ბიზნესინტერესებს უკავშირდება. 

დაჭრილია სამი ადამიანი. მათგან ორნი ძმები არიან, გვარად მეტრეველები და ერთიც მათი მეგობარი. მათ უთანხმოება ჰქონდათ ადგილობრივ ბიზნესმენთან, გაგა მამისაშვილთან, რომელიც   ბრალდებულად განიხილება, იგი ახლა გაქცეულია და პოლიცია ამ დრომდე ეძებს

დაჭრილებს  გადაუდებელი ქირურგიული ოპერაცია დასჭირდათ. მათ ცეცხლნასროლი ჭრილობები  მუცლისა და ფეხის არეში აქვთ მიყენებული. დაზარალებულების მდგომარეობა  სტაბილურად მძიმეა.

დევნილთა დასახლებაში მეზობლებს შორის კონფლიქტი ერთი წლის წინ დაიწყო, რომელიც გუშინ სროლით და სისხლიანი გარჩევით დასრულდა. 

ირკვევა, რომ ძმებიც თონეს ამუშავებდნენ, რაც მამისაშვილის გაღიზიანებას იწვევდა. მეტიც, არსებული ინფორმაციით, ამის გამო მან ძმებს ავტომობილიც კი დაუმტვრია. გუშინ მომხდარს კი წინ დილით ხელჩართული ჩხუბი უძღოდა. 

~მ შს სამინისტროს ინფორმაციით, გამოძიება დაიწყო 117-ე, ჯანმრთელობის განზრახ მძიმე დაზიანების, მუხლით .